今日周四跑馬，咁啱撞正何良生日，頭場呢位練者即刻有生日馬賀壽！呢場五班谷1650米，早段步速偏慢，彎位又突然加快，留後的何廐馬「慶萬家」楊明綸一路催策仍未能跟前點，以為輸架喇，點知入直路移出中檔，愈追愈有，最終趕過擺前面賺盡形勢的何澤堯「日日靚」，「慶萬家」小休3個月養足體力復出，即刻以8倍身份奠勝局，美中不足係呢場係五班賽唔計數，何良仍然差兩場先畢業，不過加油呀~是場跑出「麒麟」及「烽煙載喜」平頭第3名，有6條位置Q派彩。<br/><br/>贏到第15W嘅何良，話贏呢場頭馬好開心，屬於一份好好嘅生日禮物，佢又話雖然係5班馬，但自己擺咗好多耐性落去，堅持要等佢狀態返番嚟先報名。何良話今場路程可能短啲，同埋隻馬上場輸完有啲影響自信心，但佢抖咗好耐，加上最近試閘表現好好，今場表現絕對喺預期之中，賽前都同馬主講好有信心，只要騎師唔好急就得。<br/><br/>第1場賽果：9-8-(5-6平頭季軍)<br/>組合獨贏3揀1賽果：A2(最後賠率3.6)<br/>二重彩賽果：9-8(最後賠率87)