第7場二班2000米，「安騁」上仗成條直路大塞車，在港初嘗敗績，今仗由田泰安執韁即使要蝕磅，但依然成為大熱門，結果一早走外疊贏得輕鬆，已成為今季4歲馬經典系列賽嘅風頭躉。今場2及3名有古講，潘頓「錶之五知」衝得最行時，被楊明綸原本亞軍馬「木火兄弟」外閃影響，成隻抽起，最終以第3名過終點，賽後亮起研訊及抗議信號之後，馬會裁定抗議成立，「錶之五知」升為亞軍，「木火兄弟」貶為季軍，而今場第4名為何澤堯「時時有餘」。<br/><br/>賽後，「安騁」馬主王賢敏話今場贏馬好開心，因為贏仁濟盃，爸爸同仁濟有啲淵源，可以捧到呢個盃都開心，但佢哋都唔係刻意想捧盃，只係咁啱有賽程。「安騁」贏咗兩場2000米，當然跑打吡有多啲信心，可以樂觀地期望，究竟下仗會唔會跑4歲馬系列賽頭關香港經典一哩賽，要交畀蔡約翰部署，但相信之後都會有啲中長途路程可以報跑。<br/><br/>第7場賽果：10-2-9-6<br/>二重彩賽果：10-2(最後賠率15)