視帝陳豪與張曦雯（Kelly）於無綫劇集《白色強人II》飾演分手戀人，但二人於職場重逢，雖然女方情傾院長郭晉安，但與舊愛陳豪的輕鬆互動亦深得網民受落，Kelly透露與陳豪於劇中有不少互動對白，是對戲時即興設計及創作：「我哋私下互動都似劇中角色咁，陳豪好開得玩笑嘅，如果大家有留意，會見到我劇入面有時會拍吓佢、打吓佢，呢啲劇本冇嘅係我哋自己玩出嚟嘅。」<br/><br/>而首演大奸角的劉溫馨，舉手投足及嘴臉均惹人討厭，沒料也受網民關注，還把她與另一奸角張達倫齊封賤精，不過為應付角色的超複雜對白，溫馨特別找來老師苦練廣東話，她說：「今次對白有好多醫療改革等平時唔會講到嘅嘢，所以事前要狂練，喺屋企一路行一路練，練到唔使用個腦諗都可以噏得出為止，都有搵廣東話老師訓練啲咬字。」<br/><br/><br/><br/><br/>