艺人黎诺懿今日（8日）现身由他担任主持的饮食节目《满足的味道》记者会，他表示节目制作十分认真，花了8个月时间拍6集：“个节目除咗讲饮食，都着重讲情，我哋采访每位师傅都会跟足全日，一集入面有8位师傅，起码都要拍10日，我哋想成件事拍出嚟系好靓，畀观众望到个画面已经好想食。”<br/><br/>他透露虽然节目8月中播出，但其实仍未拍完，因为他们要拍摄稻米由种子到收成的经过，现时稻米仍未收成：“个米差唔多收割，应该赶得切，只要天气唔好太差，淋死晒啲米就得，我哋前几日睇过啲米仲好健壮，我哋有架机全日影住啲稻米，拍足4个月。”<br/><br/>讲到拍摄难忘事，他称有很多新体验，除了参观烧猪窖及种稻米外，他还到了大澳网鱼：“以前可以网到几百斤鱼、依家得几条鱼毛，好多鱼已经绝咗种，个节目都带出环保意识，希望可以慢慢保育番，唔想啲鱼绝晒种。”问到制作费，他坦承花费不菲，笑言：“瞒住公司先，当然系唔合乎经济效益，但偶然一两个节目咁系OK，有心做就想做到最好。我哋连个节目嘅主题音乐都系搵金像奖最佳原创电影音乐得主波多野裕介去作曲，系原创音乐，原来我当年结婚，佢系帮我做伴奏，当时佢仲未得奖，真系好有缘份。”<br/><br/>谈到今日政府宣布放宽入境检疫措施，由7天酒店隔离将改为“3+4”，他大为支持：“梗系好，最好唔使隔离，都困扰咗大家一段日子，大家都需要回复正常生活，有啲人嘅家人病咗都返唔到去，当然要注意防御病毒，但大家都抑压咗两年半，不如放宽，我绝对支持唔好隔离，大家乖乖哋，有病就唔好出嚟，希望所有地方都可以自由出入。”<br/><br/>