藝人郭晉安、陳豪以及馬國明主演無綫劇《白色強人II》正熱播中，劇中飾演祝文君女兒的羅毓儀因戲中母親離世，有多場激動喊戲，雖然羅毓儀演戲經驗相對較淺，但網民對於她「話喊就喊」讚口不絕，大讚有前途，其中一場胡定欣向她說對不起一幕，羅毓儀爆喊，更令觀眾留下深刻印象！<br/><br/><br/><br/>對於喊戲獲讚，羅毓儀受訪時坦言這次是自己首度正式拍喊戲，故此事前壓力相當大：「我真係第一次演情緒咁高嘅戲，所以我好緊張、好大壓力唔知點做好；但又幸運地呢種情緒反而同個角色有啲似，因為方敏（羅毓儀戲中角色）當時都係好徬徨同無助。」羅毓儀更大大力感激定欣幫忙帶自己入戲：「佢絕對有幫到我入戲，因為我嗰一吓個人真係好慌，當時定欣攬住我，嗰刻我好感覺到定欣擁抱入面嘅關懷，所以佢攬住我後，我反而喊得更加放，覺得好似有個依靠、可以真正鬆落嚟。」<br/><br/><br/><br/>