前港姐王菲在重頭劇《白色強人II》飾演跟隨胡定欣轉投明城北醫院的腫留科醫生，故劇中與視后最多對手戲。屬新人的她對能夠在定欣身邊拍劇，學到靈活變通，更對她的印象改觀，她說：「有場戲比較多對白，要講述病人嘅病歷，因為係陳述，所以劇本都寫唔使太多語調。但係定欣就提議我加少少，可能一兩個助語詞，聽落去就唔會咁似喺度背對白，一字一句咁，結果加咗少少，試完導演都話好啲喎。」<br/><br/>王菲與定欣一同拍劇，覺得她不止專注自己的演戲，亦會樂於幫助同場演員做得更加好，令劇集有更好的效果，亦多謝她提點要靈活變通，她說：「未認識定欣會覺得佢氣場好強，但識咗之後發現佢係一個好溫柔嘅大姐姐，開工好照顧我，成日請大家宵夜，最記得有晚好凍，佢買咗糖水請大家食，仲好關心大家，真係好sweet。」<br/><br/><br/>