無綫娛樂主播王鎮泉（泉泉）最近忙於參加新節目《全能司儀選拔大賽》外，同時間亦要兼顧自己的電影節目《電影泉攻略》拍攝：「其實入行11年，可以有一個自己嘅節目真係好感動，而且仲要係自己最喜歡而且最在行嘅電影。」<br/><br/>該節目不知不覺已經拍了20集：「收到消息，之後都會一直拍落去。依家每個禮拜起碼要睇7、8部電影，去做資料蒐集。我都碌咗好多人情卡，同一班電影明星拍咗啲小劇場短片去介紹每週新戲，當中包括古天樂、劉青雲、郭富城及林家棟等。（同佢哋作演技比併，唔驚咩？）最初都戰戰兢兢，有機會同影帝們對戲實在太夢幻，一開始我完全不敢叫多一take，不過後嚟同郭富城拍，發現佢都好玩得，仲主動話拍多幾take！」節目推出後，泉泉聽到觀眾反應很正面，自己都覺得很滿足，希望之後可以繼續發揮所長，引起外界更多回響。<br/><br/><br/><br/>