歌手湯寶如（湯記）將於11月在西九戲曲中心舉行個人演唱會，由於已有一段時間沒舉行個唱，湯記近期便忙於和製作團隊不停開會，再加上勤做運動操fit身形，務求令觀眾有耳目一新的感覺。<br/><br/>本身是「狗奴」的湯記，家中飼養了兩頭小狗，雖然忙於籌備個唱，但她仍騰出空檔到流浪毛孩收容中心探望，並和狗仔相處了一整天。第一次到這裏的她，在義工建議下帶同食物、日用品及因應近期天氣炎熱而能灑水降溫的機械設備前往中心。<br/><br/><br/>湯記感觸說：「喺呢度見到好多年紀好大嘅毛孩，其實狗仔係人類最好嘅朋友，但好多人會因佢哋歲數大同健康變差就將佢哋遺棄，好彩嘅仲有班有心人願意付出時間同金錢去照顧佢哋，不過最希望係有疼錫佢哋嘅人去收養佢哋，讓畀佢哋有個新嘅家。」<br/>