由洪永城及傅嘉莉（Kelly）等主演的無綫劇集《凶宅清潔師》播放踏入第3集。劇情交代初登場的Kelly到一間荒廢學校探靈拍片，而實際取景地點正是盛傳極度猛鬼的小學，她表示開工前曾上網找資料:「第一次去嗰度，知道要去都驚嘅，睇咗間學校啲新聞同相，真係好恐怖，所以我都專登搵師傅攞咗幾道護身符，每日開工前都會上香拜神，收工會跨火盤先入屋，求心安理得。」<br/><br/><br/><br/>Kelly又透露曾到即將清拆的舊樓開工，當時就明顯感到異樣:「拍攝當日天氣悶熱，製作組安排咗間房做更衣室，而間房有晒陳設，張枱仲放咗啲相，入到去我突然好想嘔，周身唔舒服。我體質有啲敏惑，容易feel到呢啲嘢，好彩最終冇事發生。」<br/><br/>