「宇宙最強」甄子丹最近同老婆汪詩詩去完成都後，日前仲去埋杭州旅遊。詩詩前日（26日）喺社交網貼出同老公嘅旅行靚相，見佢着住黑色吊帶背心，大晒Fit爆身形，又貼出同老公坐船嘅甜蜜自拍，睇得出佢哋非常開心。之後詩詩仲玩埋滑浪，又分享一條影片，見子丹好認真幫佢影靚相，手勢仲好專業，完全係被功夫耽誤嘅攝影師！<br/><br/><br/>而詩詩仲喺貼文寫到：「在杭州，我們住在四季酒店，酒店像童話般，醒來到美麗的花園，就在西湖旁邊，我們乘船遊覽了很多的歷史，還去了不同的地方，舊建築變成了創意辦公空間、閣樓、畫廊、時尚的咖啡館、餐館和商店。特別是對年輕一代來說，完全是鼓舞人心。離杭州不遠有很多湖泊，我找到了青山湖，沒有浪費機會去滑浪！我們擁有整個湖！」睇嚟佢哋今次嘅杭州之旅過得非常充實同開心，唔少粉絲都表示好羨慕，仲話畀佢哋閃盲呀！<br/><br/><br/><br/>