藝人蘇麗珊與林曉峰（阿Lo）於電影《失衡凶間》內的故事《死場》中齊齊化身KOL，一個聘請臨記扮顧客搞宣傳谷商場，一個踢爆商場鬧鬼。深夜時份人去樓空，阿Lo疑似被鬼追，「探靈KOL」蘇麗珊隨後追上直播，於商場喪跑展開追逐戰。<br/><br/>蘇麗珊於片中一改乖乖女形象，戴白色假髮並在眾目睽睽下換衫變裝：「要喺短時間內除帽、除口罩、除衫，仲要摺好放返入背囊，然後攞出攝影機、開燈、自拍，見到同場其他群眾演員個個望住我，等我做晒呢一連串動作先再講對白，真係好緊張，同埋估唔到第一日開工就對住咁多人除衫，真係有啲尷尬！」<br/><br/>而跑足整個商場的阿Lo笑指如跑了半個馬拉松，更說:「依家㷫烚烚，頭先我哋喺商場喪跑，不過對鞋好跣，所以只係上半身扮到好似跑得好快，但對腳其實係急步行，好驚跣低。」除了喪跑，阿Lo還充份發揮口才了得一面，一次過講幾頁紙對白，表現得非常流暢，令後輩蘇麗珊拍晒手掌。<br/><br/><br/><br/><br/>