《聲夢》學員林沚羿有位電影動作指導爸爸林迪安，圈中可謂交遊廣闊。她坦言父親不會偏私，即使是自己負責的影片，至今也沒有特意加插角色給她，並表示有個身份特殊的爸爸，某程度上為自己造成壓力：「好似啲人一聽到就以為我好打得，但坦白講我手腳唔協調！」她大爆早前開Live，爸爸突然「亂入」﹕「佢喺度唱歌，啲網民即刻鼓勵佢參加《中年好聲音》。」<br/><br/>小時候沚羿因爸爸出埠拍戲，父女相處時間不多：「通常都係學校放假，我就會飛去佢拍戲嘅地方探班，所以細細個就去咗好多地方。」她又爆出笑話一則：「我14、15歲時，佢送我去學校Trip嘅集合地方，點知去到見到啲同學仔，個個面有難色兼反應緊張，等我行近就講，後面有個兇神惡殺嘅男人跟咗你好耐，我回頭一望，嗰個係我老竇呀！」<br/><br/>