內地「95後四小花」之一嘅鄭爽去年被裁定逃稅遭罰3.6億港元，名聲一朝喪，隨即被全國封殺，連內地社交網都唔畀用，何去何從都冇人知。尋日（22日）係佢31歲生日，冇晒粉絲陪嘅佢，被列為「劣迹藝人」一年後，佢難得晒出最新近照，素顏並攬實愛犬，成為佢出事後首次「現身」嘅相。佢另外又轉載粉絲為佢大搞生日會嘅相，感慨自己現身唔到都咁有心：「感謝你們為我過生日，謝謝你們從未相信那些流言蜚語。也感謝陳嘉上導演對我的祝福。哈哈只能通過微博這種遙遠的方式啦，不過真的很感激，在所有的人都誤會我的情況下，依然祝福我的生日，淚目☺️」<br/><br/><br/><br/><br/>原來唔只粉絲，去年佢出事後，30歲生日僅得導演陳嘉上獻上祝福，今年同樣只得陳嘉上一位圈中人公開留言賀佢生日：「我的小仙女，又到了你生日的日子了。不知你近況，但每年的祝福還是不能缺。願你一切安好，前路敞亮。生日快樂? ​​​」當中嘅友情令人感動。<br/><br/>