足球博彩神器，每日重心提供盡在《彩報》：http://win.on.cc/football/　<br/><br/>意大利傳媒報道，西班牙國腳艾華路莫拉達已接受羅馬開出年薪450萬歐元(約3,960萬港元)、簽約4年嘅個人條件，等待同馬體會達成解約協議，就可重返意甲比賽。<br/><br/>《羅馬體育報》報道，包括羅馬、AC米蘭及沙特球隊都對呢位30歲西班牙射手感興趣，莫拉達本人希望留喺歐洲比賽，覺得摩連奴嘅雙箭頭陣式更適合佢，又可以同番祖雲達斯舊隊友保羅戴巴拿合作，所以揀咗羅馬，已經傾妥個人條件，簽約4年，年薪450萬歐元。<br/><br/>雖然莫拉達同馬體會存在解約金條款，為2,150萬歐元(約1.89億港元)，但呢項條款已於6月30日到期，如果續新約，解約金就會減到1,200萬歐元(約1.05億港元)，不過並非硬性規定，只係莫拉達同馬體會之間嘅君子協議。<br/><br/>據報莫拉達同馬體會合約於明年到期，早前馬體會提出續約至2026年，依家莫拉達有意轉投羅馬，馬體會可能酌量收轉會費。