最強博彩盤路過關神器《串績王》：http://win.on.cc/football/　<br/><br/>1994年簽入三浦知良、開啟日本球員外流歐洲大門嘅熱拿亞，近日斟介日本國腳上田綺世，如果成事，將會係佢哋自三浦知良後第2位日本外援。<br/><br/>意大利《足球市場》報道，熱拿亞自三浦知良後，即將簽入另一位日本球員，該隊於1994年簽入日本「國寶」三浦知良，打開日本球員視野，而三浦知良至今仍未掛靴，29年後，佢哋正在斟介日本國腳上田綺世。<br/><br/>24歲嘅上田綺世去年由鹿島鹿角轉投比甲布魯日舒高，轉會費150萬歐元(約1,320萬港元），上陣42場入23球，亦係前年東京奧運同去年卡塔爾世盃日本隊成員，現時身價估計上升4倍，熱拿亞可能要畀更高轉會費先可以簽到佢。