足球博彩神器，每日重心提供盡在《彩報》：http://win.on.cc/football/　<br/><br/>紐卡素領隊艾迪侯域日前「呻窮」後，球會即刻傳出重磅收購消息，意大利《米蘭體育報》爆料，紐卡素已開出破球會紀錄8,200萬鎊(約8.38億港元)轉會費，收購格魯吉亞翼鋒基華拉斯基利亞，拿玻里暫時未對收購作出回應。<br/><br/>紐卡素依家最大目標係收購一名翼鋒，消息指綽號「基華拉當拿」嘅基華拉斯基利亞成為頭號獵物，呢位22歲翼鋒上年加盟拿玻里後，即協助球隊成為意甲冠軍，14個入波加17次助攻嘅數據，令球迷將佢同傳奇馬納當拿相比。拿玻里雖然唔願意放人，但面對8,200萬鎊天價，據報球會仍未作出決定，如果紐卡素成功買人，將打破5,800萬鎊(約5.9億港元)簽阿歷山大伊沙克嘅舊轉會費紀錄。<br/><br/>除基華拉斯基利亞之外，據報紐卡素亦打李斯特城翼鋒哈維班尼斯主意，不過李斯特城叫價5,000萬鎊(約5.1億港元)，令轉會談判陷入僵局。