最強博彩盤路過關神器《串績王》：http://win.on.cc/football/　<br/><br/>曼聯中堅哈利馬古尼日前自爆被褫奪隊長職務，新隊長人選呼之欲出，曼聯官方周五(21日)亦「循例」發聲明，宣布般奴費南迪斯接任隊長。據報領隊坦哈格會成立一個領袖團隊輔助般奴費南迪斯，而華拉尼成為副隊長呼聲最高。<br/><br/>雖然哈利馬古尼之前掛名係隊長，但般奴費南迪斯上季有42場以隊長身份帶領球隊出賽，包括英足盃同英聯盃決賽，據報坦哈格好欣賞佢嘅足球智慧同溝通能力，而且對自己同隊友都有好高要求，符合坦哈格對球隊交出最高水平表現嘅要求。<br/><br/>據《曼徹斯特晚報》報道，曼聯陣中亦有一個領袖團隊，成員包括華拉尼、拉舒福特、勞基梳爾、卡斯米路同湯希頓，曼聯今夏2場熱身賽對列斯聯同里昂，華拉尼都以隊長身份帶隊，預計會係副隊長嘅大熱人選。