曼联上场联赛0比1不敌纽卡素，拉舒福特同安东尼马尔迪2位前锋嘅表现受到炮轰，尤其防守上嘅懒散令球迷非常不满，利物浦名宿加历查对拉舒福特嘅演出尤其失望，批评呢位英格兰国脚系“马迪尔二世”，一箭双雕！<br/><br/>拉舒福特同安东尼马迪尔喺对纽卡素一仗踢到隐形，只系踢60分钟就齐齐被换走，领队坦哈格赛后都话要“搵拉舒福特倾下”，希望帮呢位上季入30球嘅前锋渡过难关。加历查更表示：“拉舒福特嘅表现不能接受，佢系安东尼马迪尔二世，呢个已经系最差嘅形容。”<br/><br/>加历查解释：“拉舒福特作为曼彻斯特土产球员，就好似我同谢拉特以前喺利物浦一样，当球队唔顺嘅时候要负责扶起队友，但佢依家连为自己心口上面嘅徽章跑多步都唔愿意，我只可以话佢愈嚟愈似安东尼马迪尔，一个唔会在乎曼联嘅外国球员。”