藝人黃建東（東東）與黃紫恩（Jojo）出席無綫才藝比併節目《全城一叮》拜神儀式，Jojo表示會聯同劉展霆一齊透過演戲形式表現跳舞：「我哋會一齊跳現代舞，其實幾個月前已收到通知要參賽，但最後一個月我想縮沙，因為覺得一個人跳舞唔好睇，有日放工遇到劉展霆，我係完全唔識佢，我問佢有冇興趣一齊跳舞，佢諗都冇諗就答應。」至於東東透露會表演彈鋼琴、Rap及自彈自唱，為此已準備了三個月：「我11年前係參加香港先生入行，當年蔡一傑係表演嘉賓，今次我參加呢個節目又係蔡一傑做嘉賓，覺得佢睇住我由入行到參加比賽，好有感觸。（咁多年輕人參賽，對你會唔會好大衝擊？）真係好多新同事，好多人我都唔認識，冇乜同輩參加，不過我覺得唔好同人比較，最重要係同自己，呢幾年做好多騎呢嘢，條路行歪咗少少，啲人唔當我係認真嘅演員，其實我係有團火嘅表演者，今次會認真演出。」<br/><br/><br/>