藝人洪永城（Tony）監製兼主持的J2節目《開腦》，Tony找來專人於元宇宙打造屬於自己的Clubhouse，每集他都邀請嘉賓一齊探討新興科技，包括與李佳芯大玩VR、孖吳業坤大展歌喉唱K，吸引到秘魯粉絲加入、又和楊潮凱影女兒寫真。在明晚（15日）播出的一集，Tony更首創「第一屆元宇宙香港小姐競選」。<br/><br/><br/><br/><br/>Tony表示製作這節目是想用輕鬆易明方法，令觀眾更容易了解新興科技，他說：「好多嘢我都係新接觸，不停去學習，節目出街後有好多朋友問我關於元宇宙或者邊款VR好玩，其實大家都想一齊與時並進了解多啲，用深入淺出方法介紹新興經濟俾大家就最好。」他目前在內地與吳業坤、戴祖儀、陳展鵬、吳若希等拍攝新劇《香港人在北京》，今次是他自疫情後首度離港工作，預計逗留3個月，他說：「要離開太太（梁諾妍）同囡囡3個月梗係唔捨得啦，惟有靠每日視像見面，無論囡囡食嘢、瞓覺定玩緊，都唔想錯過佢嘅成長，晚晚都狂Loop囡囡啲相！」<br/><br/>