藝人鍾舒漫（Sherman）與妹妹鍾舒祺（Sukie）出席展覽會，身體力行支持中小企，期間更即席學沖咖啡，受訪時表示姊妹二人做過一段時間主持，曾訪問不少中小企老闆，了解到他們守業之困難。曾先後兩次擺過地攤賣自家製作產品及舊衣服的Sherman表示：「當時冇諗難唔難，係一鼓作氣想試，難在係要畀好多力先有少少回報。」Sukie坦言與姐姐30多年來經常拍住上，姊妹二人感情深厚，連嗌交也沒有。<br/><br/>Sherman對廚藝有興趣，問到可會發展成生意？她說：「一直有諗，只係未開始，由細到大我哋都係食爸爸整嘅辣椒醬，咁佢都會老，所以想整一樣嘢係代表爸爸，等第時爸爸返咗天家，都可以有人傳承到佢嘅嘢。」<br/><br/><br/>