第2場二班1000米只得6匹馬上陣，賽果亦平平淡淡，潘頓策騎嘅「勝不驕」輕鬆以1.8倍全熱門姿態贏馬，取勝過程輕鬆到不得了，騎者將季內頭馬數字推上167場，只要贏多3場就追平莫雷拉單季170W紀錄，而追平個人單季168W紀錄亦睇嚟都志在必得。今場跑第2名為布文放頭馬「狀元及第」，何澤堯「精靈勇士」跑第3，包括Big 3騎師三重彩，希威森「當家精神」後上第4。<br/><br/>賽後，練馬師呂健威話「勝不驕」腳患好番之後，連續兩仗都跑得好，尤其上場田草，今次跑回師起家嘅谷草再贏的確唔意外，但之後部署就唔容易，始終隻馬未必夠分級賽水平，所以下季開鑼嘅特首盃都會考慮。<br/><br/>第2場賽果：2-4-1-5<br/>二重彩賽果：2-4(最後賠率6.2)