歌手莫鎮賢與文佩玲出席梅艷芳（阿梅）出道40周年紀念海報展，同場展出31張阿梅生前演出的電影，及唱片海報，莫鎮賢表示最深刻是阿梅參與電影《東方三俠》，因角色與她現實中同樣是女俠，盡心盡力幫助人：「記得當年我參賽時喺日本讀緊書，佢專登打嚟日本叫我參賽，我係最後一日去試音嘅。佢真係尋醉於舞台，睇人好準，先至令樂壇曾經出現過少少嘅莫鎮賢。」更指阿梅雖然離世多年，但精神還在，絕對是香港的女兒。<br/><br/>文佩玲亦坦言22歲的女兒自欣觀賞完電影《梅艷芳》後，便一直聽阿梅的歌曲：「佢以前淨係聽韓國歌，依家唱K都會揀阿梅嘅歌唱。（囡囡有冇諗過入行？）佢冇興趣，大學仲有一年先畢業，鍾意水上活動多啲。」<br/><br/>此外，為紀念今日（18日）阿梅出道40周年，其歌迷今早分別到「省善真堂」、大嶼山「海薈塔」拜祭偶像，而於海報展上，就播出來自世界各地共80人與阿梅隔空大合唱的片段，居住在加拿大的姨甥、梅愛芳大仔Royce，也與阿姨梅艷芳一起合唱。<br/><br/><br/><br/>