曼联新签门将奥拿拿被形容为“计时炸弹”，令人不安，前曼联队长里奥费迪南认为，曼联球员应该支持同帮助奥拿拿，就好似当年佢对待新入队嘅迪基亚一样。<br/><br/>里奥费迪南表示：“好多球员年轻时都好脆弱(奥拿拿已经27岁)，要聪明地处理呢种情况，来自队友嘅支持好重要，当得到大家支持，唔理外间讲咩都好，自然就会有信心。”<br/><br/>佢仲话：“当年我都系咁对大卫(迪基亚)，所以到依家，我同大卫一直保持良好关系，当佢犯错时，最好唔好闹佢，虽然有时你会忍唔住。”<br/><br/>讲番奥拿拿，里奥费迪南表示：“失误系足球一部份，呢一点奥拿拿都知道，其实佢唔系嚟到曼联先犯错，而且佢踢过欧联决赛，欧联4强，呢啲同失误一样，都系经验嘅累积，我认为奥拿拿嘅实力冇问题，曼联球员都系咁谂。”