今季備受傷兵問題困擾嘅車路士再受打擊，領隊普捷天奴透露中場安素費南迪斯、中堅阿素迪沙斯都加入「十字兵」行列，可能缺陣周二(16日)凌晨英超主場對愛華頓。<br/><br/>普捷天奴話：「安素同阿素正在接受治療同評估，佢哋有唔同傷患在身，問題唔算太嚴重，至於能否上陣對愛華頓，仍然存在疑問。」除咗安素費南迪斯、阿素迪沙斯之外，翼鋒史達寧、門將羅拔山齊士抱病在身，後衞利維高維爾、列斯占士、韋斯利科芬拿、中場尼干古、烏高祖克胡、羅美奧拉維亞仍然養傷。<br/><br/>唯一好消息係左後衞芝維爾已經復操，但未必可以上陣對愛華頓。