西班牙喺提早鎖定首名出線情況下，周二(25日)凌晨B組最後一輪，一口氣更換咗10個正選球員，照樣1比0擊敗阿爾巴尼亞，3戰全勝兼未失1球下晉級，而呢個完美成績亦成為捧盃吉兆！<br/><br/>西班牙今場正選陣容，只有拿樸迪係上場贏意大利嘅正選，不過呢支B隊一樣強勁，費倫托利斯上半場入波一箭定江山，呢球係佢歷來歐國盃第3個入球，喺西班牙僅次於艾華路莫拉達、費蘭度托利斯同韋拿3大前鋒。助攻嘅丹尼爾奧莫，亦錄得個人歐國盃史上第4次助攻，僅次於法比加斯(5次)。<br/><br/>西班牙今仗贏波係捧盃吉兆，今屆係「狂牛兵團」歷來第2次歐國盃分組賽全勝，08年佢哋連續俄羅斯、瑞典同希臘，最終成功捧盃。以3戰全勝兼且0失球出線，喺歐國盃歷史上亦係第2隊，第1隊就係上屆嘅意大利，佢哋同樣捧盃而回。