足總周五（28日）晚上舉行周年晚宴暨頒獎典禮，將於來季升上港超的駿英九龍城，亦有派代表出席領取獎盃，其中九龍城體育會常務副主席麥融斌，就強調升班經過全隊深思熟慮，至於組軍詳情就會7月中舉行的記者會再作公布。<br/><br/>九龍城在剛季成為港甲冠軍，最終決定下季挑戰港超，「麥生」指升上頂級聯賽絕非一時衝動的決定，又透露7月中會舉行記者會，交待組軍和教練團詳情：「無論由升上甲組，成為港甲冠軍，到依家上頂級聯賽，都係我哋計劃咗好多年嘅事，絕對唔係倉卒嘅決定，至於下季有咩教練同球員喺度，會喺7月中嘅記者會再講。」<br/><br/>至於曾經效力頂級聯賽的後衞曾錦濤，就稱來季會跟隨九龍城升超，盼起到「以老帶新」的作用：「老細想我哋帶住班後生仔一齊踢超聯，希望我可以好似『學曦』（林學曦）啱啱呢季喺香港U23咁，幫班仔成長得快啲。」相隔1季再戰港超的「阿濤」，又承認自己需時提升狀態：「會畀心機加操，希望盡快提升體能，應付頂級聯賽強度。」