藝人陳彥行、羅敏莊、呂珊、李麗霞（黑妹）及劉雅麗等日前出席製作公司老闆Anthony的生日派對，其中羅敏莊更是上機移居泰國前，專程百忙中抽空到賀好友，她抵達泰國接受電話訪問時表示：「好多年前，我已經喺泰國置業，仲幫個女兒安排好晒學校，到咗泰國差不多一個月，都已經適應咗當地生活中，仲撞見『泰國通』胡慧沖添。」<br/><br/><br/>而陳彥行去年自爆母墮3千萬騙局，一度喊爆戶口險被蒸發，但其後與銀行達成共識獲滿意賠償，事件告一段落後，重現笑容的她透露：「最近忙照顧家中位『主子』（狗仔），最近仲添咗新成員，真係好開心，好熱鬧。」<br/><br/><br/><br/><br/>黑妹表示好友Anthony經歷心臟停頓兩次，從鬼門關走出來，令大家更要珍惜同家人、朋友相處的日子：「冇事就見多啲面，電話問候一句都好，因為下一秒都唔知會點。」呂珊在美國登台後經歷長時間滯留當地，令她有新體會：「覺得有機會時，一定多問候身邊嘅人，原來返家都唔係件咁容易嘅事。」