藝人丘梓謙憑《愛．回家之開心速遞》「蔥頭」一角人氣急升，當時佢被指角色影射MIRROR人氣王姜濤而成為一時熱話，最近播出一集再度惹「抽水」之嫌，仲火力全開，將矛頭指向ERROR成員193！新一集講到「蔥頭」進軍飲食界開專屬Cafe，吸引大批歌迷前往朝聖打卡，十足早前開Cafe嘅193一樣，但咁都未夠，「蔥頭」仲講到明開餐廳係想同粉絲交流，並非為賺錢，即令網民認為有意挑機，疑似寸爆193嘅Cafe被指貨不對辦呃錢一事。不過除咗抽水之外，片中亦提到「蔥頭」第一部戲就同影后「癲姐」合作，疑影射姜濤同影后毛舜筠合作嘅處男電影作、將於下月上映嘅《阿媽有咗第二個》，間接為對方宣傳。<br/><br/><br/><br/><br/><br/><br/>