藝人王丹妮現身香港國際時尚匯展揭幕，並以壓軸身份任模特兒行騷，腳踏4吋厚底高踭鞋的她，透露自拍攝電影《梅艷芳》後，已有4年沒有行時裝騷：「好開心見番一班熟悉嘅面孔，今晚感覺好微妙，因為我16歲時，人生行第一個時裝周就係喺呢個舞台，頭先有好多美好回憶湧上嚟。」由於已有幾年沒有行騷，故踏上舞台時亦會心情緊張。<br/><br/><br/>即將飛米蘭及巴黎出席時裝騷，預計於當地逗留兩星期，笑指會寓工作於娛樂，趁機四圍遊覽：「好難得品牌們仲咁照顧我，畀我可繼續接觸自己鍾意嘅嘢。（老公羅孝勇一齊去？）他喺澳洲讀脊醫，不過我飛歐洲嗰段時間，咁啱佢放假，所以我哋可以無縫接班湊女，佢真係好好，特登返嚟幫我照顧個女（培養個女做模特兒？）佢有遺傳到我手長腳長，但現階段都係讀好啲書先啦！（攞完電影新人獎有冇加價？）都仲係友情價同親民價，希望可以表多啲工作，我唔係開天價嘅人。」