混血靚女主持可宜與港隊籃球員老公鄭錦興正享受悠長假期，長達1個月，旅程首先探望長輩，到倫敦可宜的娘家及蘇格蘭探望親戚後，之後他們轉到希臘小島過二人世界，亦是他們婚後有拖無欠的蜜月旅行。他們於2021年8月結婚時，由於當時疫情嚴峻，各地尚未通關，婚後都未有旅行。等了近兩年終於出發，他們選中希臘小島Santorini，享受勁Hea生活，可宜在社交網晒紅色比堅尼，身材均勻，火辣養眼，對身材好滿意？她笑言可能是角度問題：「可能黑咗，睇落firm啲，今次曬到史無前例咁黑，因為日日同陽光玩遊戲，每日就是出海玩和游水，喺酒店都係喺私人泳池游水。」<br/><br/>可宜還到地標Oia藍頂教堂拍了一輯好飄逸的仙女下凡照，穿着一條極長裙游走窄小的街巷：「不過呢度啲路凹凸不平，好多樓梯級，老公第二日就扭親腳，都有啲擔心佢之後返嚟會影響比賽或者練波。」<br/><br/><br/><br/><br/><br/>