足球博彩神器，每日重心提供盡在《彩報》：http://win.on.cc/football/　<br/><br/>荷蘭國腳韋格賀斯上季由般尼外借去曼聯，為紅魔鬼上陣31場僅入2球，淪為笑柄，早前已經被「退貨」返般尼。不過，羅馬教練摩連奴卻「獨具慧眼」希望簽入呢位31歲前鋒，皆因「寸王」擅長用高大前鋒，或者可以令佢鹹魚翻生。<br/><br/>摩連奴一直希望簽入前鋒，目標包括馬體會射手艾華路莫拉達、韋斯咸前鋒施卡馬卡，兩人都屬於高大球員，其中施卡馬卡身高1米95，但身價不菲，至今仍然傾唔掂數，所以「寸王」改為打身高1米97嘅韋格賀斯主意。<br/><br/>摩連奴慣於採取穩守戰術，韋格賀斯逼搶踢法應該合乎佢要求，加上「寸王」擅長用高大前鋒，執教曼聯時期，不時將身高1米94嘅費蘭尼推前踢中鋒，韋格賀斯一旦加盟羅馬，應該有發揮空間。<br/><br/>事實上，韋格賀斯效力德甲球隊禾夫斯堡、土耳其球隊比錫達斯期間，入波並唔少，只係效力般尼同曼聯，變得腳頭無靈，轉戰意甲或者真係可以重生。