最強博彩盤路過關神器《串績王》：http://win.on.cc/football/　<br/><br/>巴西球星韋利安上季加盟富咸，表現出色幫球隊排英超第10位，佢交出5個入波同5次助攻表現大獲好評，不過隨住佢同富咸合約6月底結束，雙方仍未就續約達成共識，據報韋利安留隊機會唔大，盛傳佢將加盟人生第4間倫敦球會──水晶宮。<br/><br/>34歲嘅韋利安10年前加盟車路士，效力7季之後轉投阿仙奴，可惜表現差勁，2年前返巴甲踢哥連泰斯。勢估唔到上年仲有機會重臨英超，以領袖身份帶領富咸殺上中游，領隊馬高施華亦想佢繼續留隊，但富咸只願意開出1年合約，令韋利安拒絕續約。<br/><br/>事實上，韋利安家人一直好鍾意倫敦生活，所以每次轉會都以倫敦球會為首選，今次離開富咸亦唔例外，據《teamtalk》報道，倫敦球會水晶宮對呢位巴西翼鋒甚有興趣，希望佢可以取代離隊嘅韋費特沙夏。