足球博彩神器，每日重心提供尽在《彩报》：http://win.on.cc/football/　<br/><br/>沙特阿拉伯球会今个夏天疯狂招兵，大量喺欧洲吸纳顶尖球员，英超劲旅利物浦更系受到最大影响球会之一，领队高普日前公开表示，由于沙特阿拉伯嘅转会窗特别长，担心欧洲球坛会喺9月被“搞乱档”，呼吁欧洲足协同国际足协出手。<br/><br/>欧洲主要联赛嘅夏季转会窗喺9月1日完结，不过沙特嘅转会窗就开到9月20日，意味如果沙特喺9月用高薪挖走球员，卖人球队系冇机会物色代替人选。高普表示：“沙特嘅资金对球坛影响好大，最惨系沙特嘅转会窗比欧洲长多3个星期，所以欧洲足协同国际足协需要寻找解决方法。”<br/><br/>利物浦今夏有3名主力转战沙特，包括罗拔图法明奴、佐敦轩达臣同法宾奴，路尔斯戴亚斯本来亦系沙特球会目标，但系利物浦拒绝放人。