周四(28日)凌晨西甲，基達菲作客以2比2逼和畢爾包，以借用身份由曼聯加盟基達菲嘅格連活特，首次擔任正選，並貢獻1次助攻，表現漸入佳境，可望獲得重生。<br/><br/>格連活特因為「家暴事件」，導致聲名狼藉，曼聯基於輿論壓力，今夏將佢外借去基達菲，呢位21歲英格蘭前鋒首2次西甲披甲，都係後備上陣，今仗終於獲得正選，佢不負所托，喺51分鐘開出角球，由中堅艾華利斯頂入扳平1比1。<br/><br/>雖然基達菲之後再失1球，但憑後備上陣嘅拿達沙建功逼和2比2。主角格連活特今仗踢足全場，表現獲得好評，相信經此一役之後，未來賽事有望穩坐正選。