英格蘭球星連格自上年同諾定咸森林解約後，過去半年一直冇班落，不過呢位前曼聯球員最近決定落戶南韓，今個星期完成體測後將加盟FC首爾，據報雙方將簽約2年，並成為韓職最高薪球員。<br/><br/>現年31歲嘅連格，近半年去過美職、沙特等球會試腳，但最終都冇下文，不過《朝鮮日報》爆料，連格同FC首爾已同意一份2年合約，年薪為115萬美元(約900萬港元)，令佢成為韓職最高薪球員。連格今個星期會去南韓體測並正式簽約。<br/><br/>英國《每日鏡報》指連格代表聲稱獲26間球會斟介，佢最終選擇去南韓落班，傳聞可能同連格擁有嘅電競隊伍Jlingz Esports有關，消息指連格希望打入南韓嘅電競市場，所以決定去南韓比賽。