傑志周日（25日）在「中銀人壽香港超級聯賽」以6比0大勝香港U23，繼續力逼位居榜首的理文，今仗梅開二度的伊高沙托尼透露，其第2個女兒約於今年6至7月出生，盼愛女長大後都會愛上足球。<br/><br/>「伊高」下半場連入兩球，繼上年8月對港會的聯賽後，再於正式賽事取得入球。他賽後接受訪問時難掩笑意，表示第2位女兒預計於6月尾至7月頭出生，形容在這個時候取得入球，感覺非常特別：「當我知道太太又有咗BB，就特別想入波，當送份禮物畀佢（太太），好開心我真係做到。」開啟慈父Mode的「伊高」續道：「大女好鍾意入場，同我一齊慶祝贏波，希望細女之後都會入嚟睇波啦。」<br/><br/>傑志今場輕取香港U23後，追至僅落後理文1分，「伊高」稱聯賽冠軍誰屬「仲有排鬥」：「如果球隊要贏聯賽冠軍，嚟緊再冇失分空間㗎啦，即管睇吓我哋同理文，邊隊可以堅持到最後。」