影星楊紫瓊前日（6日）60歲生日，佢今日（8日）喺社文網晒出自己慶生Party嘅照片，睇到佢一大班親朋好友都有出席，埸面熱鬧！有張相睇到身穿黑色碎花吊帶裙嘅佢，整個身匿喺蛋糕後面，做出誇張嘅手勢，加上驚訝O嘴表情，表現調皮，留言：「Happy Birthday to me，Thank you everyone！」不過佢始終已經60歲，望落佢都係略顯老態，面上皺紋同眼下嘅暗沉都多咗唔少，而佢亦有搭住76歲未婚夫Jean Todt膊頭，手牽手咁合照，閃爆全場！<br/><br/><br/><br/>同佢一樣都係定居美國嘅好友吳彥祖夫婦都有亮相，引起網民關注！一向打扮樸素嘅吳彥祖化身西部牛仔，頭戴牛仔帽，身穿黑色波點襯衫，睇得佢係有用心打扮，仲同楊紫瓊搭膊頭合照，關係極好！而吳彥祖太太Lisa望落有老態，面上略顯滄桑，髮線也有點高，令網民擔憂！<br/><br/>