最強博彩盤路過關神器《串績王》：http://win.on.cc/football/　<br/><br/>根據葡萄牙《球報》爆料，葡超勁旅波圖中場奧達維奧艾美臣將會轉投沙特阿拉伯豪門艾納斯，同葡萄牙國家隊隊友C朗拍住上，據悉今次係C朗親自打電話邀請奧達維奧艾美臣加盟，帶挈呢位28歲同胞賺多5倍人工。<br/><br/>奧達維奧艾美臣上季為波圖上陣44場入7球，屬於球隊主力，波圖原本唔想放人，但佢合約中有4,000萬歐元(約3.4億港元)違約金條款，並將於7月15日到期，艾納斯準備限期前直接用呢個金額買斷奧達維奧艾美臣。<br/><br/>艾納斯向奧達維奧艾美臣開出1,350萬歐元年薪合約，加上獎金條款，估計佢一年有1,500萬歐元(約1.28億港元)收入，等於佢現時年薪嘅5倍，加上C朗誠意邀請，令奧達維奧艾美臣更加無法拒絕。<br/><br/>艾納斯早前已經簽入國際米蘭中場波索域，加上奧達維奧艾美臣，相信新一季可以為C朗創造大量入波機會。