最強博彩盤路過關神器《串績王》：http://win.on.cc/football/　<br/><br/>國際邁亞密簽入美斯同布斯基斯之後，繼續向自由身球星埋手，根據英國《太陽報》爆料，呢支美職球隊計劃簽入夏薩特，網民認為佢可以成為另一位加里夫巴利，變成國際邁亞密爭標吉祥物。<br/><br/>夏薩特4年前由車路士轉投皇馬之後，因為受傷及缺態，抖多過踢，上月同皇馬達成協議提早1年解約，現時屬於自由身球員，更傳出佢可能會掛靴。不過，國際邁亞密仍然有興趣簽入呢位32歲比利時球星，畢竟佢名氣大，簽入佢同美斯組成鋒線，非常有噱頭，有助提升球隊商業價值。<br/><br/>雖然夏薩特水平大不如前，但天生有冠軍命，效力皇馬4年僅上陣76次入7球，仍然有6個冠軍落袋，網民認為佢可以扮演加里夫巴利之前喺FC洛杉磯嘅吉祥物角色，呢位威爾斯名將上年由皇馬加盟FC洛杉磯，僅上陣13次入3球，都捧到美職總冠軍，以夏薩特嘅「冠軍命」或者都可以帶挈國際邁亞密奪冠。