足球博彩神器，每日重心提供盡在《彩報》：http://win.on.cc/football/　<br/><br/>英超豪門車路士今個夏天大換血，最新一個落「車」球員係效力球隊11年嘅隊長艾斯派古達，呢位西班牙老將重返西甲，同馬德里體育會簽約1年。艾斯派古達離隊前拍攝影片同車路士球迷道別，約6分鐘嘅告別訪問全程爆喊，令人感動。<br/><br/>艾斯派古達喺2012年由馬賽加盟車路士，11年間贏過2次英超冠軍、1次歐聯冠軍同2次歐霸盃冠軍，佢周五(7日)宣布離開車路士後，喺訪問中喊住表示：「我已經傾盡全力，好明顯贏歐聯冠軍係我足球生涯最光輝時刻，亦係我做隊長後第1個冠軍，車路士係我嘅屋企，將來我或者會以唔同身份重返車路士。」<br/><br/>33歲嘅艾斯派古達宣布離隊後，即刻同馬德里體育會簽約1年，據報國際米蘭本來對艾斯派古達志在必得，不過馬體會教練施蒙尼出面遊說，成功搶到呢位西班牙球星。