最強博彩盤路過關神器《串績王》：http://win.on.cc/football/　<br/><br/>韋斯咸準備2,500萬鎊(約2.56億港元)報價，斟介修咸頓隊長禾特普斯，大前題係阿仙奴落實收購迪格蘭賴斯，佢哋先會行動。<br/><br/>阿仙奴已經同韋斯咸斟妥轉會費，以1.05億鎊(約10.76億港元)簽入迪格蘭賴斯，雖然交易仍未落實，但韋斯咸已定下重建中場計劃，主要目標係禾特普斯，另外祖雲達斯中場薩卡利亞，同埋列斯聯嘅泰拿阿當斯都係關注對象。<br/><br/>禾特普斯係修咸頓青訓產品，效力12年，無奈球隊降班，今夏打算出售球員收回資金，佢哋最初就禾特普斯轉會費標價4,000萬鎊，但依家可能價錢稍低都會答應。<br/><br/>《每日郵報》報道，韋斯咸斟介禾特普斯未必如想像中順利，因為富咸有意加入競爭，球員本人亦傾向加盟富咸。