曼聯名宿里奧費迪南近日喺網台表示，曼聯新星阿歷真度加拿祖同佢講，因為自己太鍾意C朗，結果被美斯Unfollow，事件喺網上引起廣泛討論。<br/><br/>里奧費迪南經常喺網台指點江山，今次講起阿歷真度加拿祖，佢話：「大家知唔知點解我咁鍾意佢(加拿度)？因為佢唔在乎其他人點睇，加拿祖同我講，美斯Unfollow佢，原因係佢太鍾意C朗，強調自己係C朗迷，認為C朗先係GOAT(史上最佳)。」<br/><br/>就因為呢段說話，引來網民連日來熱烈討論，加上上場聯賽加拿祖入咗球超級倒掛後，又做出C朗招牌慶祝動作，談論熱度更高，而睇番加拿祖個IG，確實唔見美斯follow。<br/><br/>事件後來有新發展，加拿祖細佬喺網上現身，表示美斯Unfollow係空談，因為美斯從來都冇follow過佢阿哥，至於里奧費迪南之後亦解畫，話加拿祖同佢講被美斯Unfollow只係一種「幽默」。