理文周日（10日）於「中銀人壽香港超級聯賽」，以3比2險勝大埔，繼續於聯賽榜領先，上半場救出12碼的門將陳嘉豪應記一功，他稱球隊務必要減少失球，以免在往後賽事失分，再次錯失聯賽冠軍。<br/><br/>理文是役開局氣勢如虹，12分鐘已經領先3比0，其後大埔不斷搶攻，但不少射門都未能攻破陳嘉豪十指關，包括上半場救出馬高斯山度士的極刑，助球隊驚濤駭浪下保住3分，「嘉豪」賽後承認球隊有必要改善防守，以爭奪聯賽冠軍：「救到球12碼都幾關鍵，令球隊嗰陣仲揸住兩球優勢，但都要留意我哋失球數字真係幾高，所以大家要更加集中去守波，唔好咁容易失分。」<br/><br/>儘管今場多次作出撲救，令「黃黑軍團」繼續在聯賽領先，不過「嘉豪」強調個人演出仍有改善空間：「自己今日算踢得OK嘅，但龍門球要處理得好啲，我會繼續努力練波，盡量減低失球數字，令大家領先嗰陣踢得輕鬆啲。」