今日女皇銀禧紀念盃，「加州星球」及時復勇再贏大賽，不過其實第一次跑1400米及首度出戰一級賽的伍廐馬「錶之銀河」，締造22秒15全場最快末段後上入Q，表現都非常耀眼，而賽後練馬師伍鵬志，更表明會拎出額外26萬報名費，幫呢匹4歲馬最後階段加入跑打吡大賽，練者話「錶之銀河」今場後勁非常凌厲，在G1入Q級數亦極高，馬主希望愛駒能夠進軍4歲終極一戰，伍鵬志亦決意加入戰團，並謂現時「錶之銀河」就只差一位可靠的騎師操刀，今次配搭田泰安打吡應有其他坐騎，故此有意搵澳洲騎師幫手，但一齊尚在初步構想中，日內將會有決定。