堪輿學家七仙羽一連兩晚在九展舉行的笑唱會昨晚（12日）開鑼，她以多個造型上陣，包括校服、唐僧、古裝、印度西施以及譚仔阿姐等，並請來鄭欣宜、艾粒、郭奕芯、龐景峰等擔任嘉賓。七仙羽先以一輪勁歌熱舞為笑唱會揭開序幕，身穿白色套裝與舞蹈員一齊跳舞，中段她以五秒極速變裝，換上藍色印度裙邊跳邊唱《舞孃》。之後她與郭奕芯組成超齡版Twins，穿上校服手拖手出場合唱《女校男生》。<br/><br/>當介紹艾粒出場時時，七仙羽表示安排了兩個男人讓大家在鬼節壯陽，又以「青頭仔」去形容對方，後來才發現用錯字眼，七師傅表示今晚要還債：「之前搵人整咗好大條恐龍朱古力送畀少爺占個仔，點知溶咗，我覺得唔好意思。」她即場送了自製的能量塔給兩人，而艾粒亦禮尚往來，鑑於之前Tyson Yoshi在九展開騷晚晚有人拋Bra上台，艾粒食住個勢，送了粉紅色胸圍及巨型內褲給七仙羽，七仙羽詢問胸圍尺寸，並笑言：「32寸梗係唔啱我，送畀觀眾啦！」Donald透露自己在九龍城購買圍胸時感覺似變態佬，並對售貨姐姐強調了3次：「我係買嚟搞笑，唔係着。」<br/><br/>而欣宜擔任壓軸嘉賓，她與七仙羽合唱《女神》，七仙羽送上親手製作的能量塔給欣宜，祝她要乜有乜，欣宜就送贈皇冠給對方，她解釋：「呢個係2016年我拍《女神》MV，演員們送畀我嘅皇冠，你帶好多歡笑同幸運畀大家，你係我心目中女神。」七仙羽指皇冠很美，又乘機指欣宜的戒指也很美，欣宜笑言：「呢隻戒指唔可以送買畀你，係贊助，我會同贊助商講你好鍾意。」<br/><br/><br/><br/>接近尾聲時，七仙羽換上功夫衫，她自言日日練癲狗拳，所有負能量都可以透過癲狗拳排走，她即場教大家癲狗拳要訣，嘴要念「P」、腳要擺出「K」字形，再舉起雙手伸中指，一邊講「發」，最後她扮觀音出場灑聖水為觀眾加持。<br/><br/>期間七仙羽感性表示自己成功非僥倖：「以前被人睇唔起，畀人拒絕，我自小好用心讀書，但我寫嘅作品，出版社唔要，話因為我唔出名，創作啲歌冇人要，話只可做槍手，又畀人鬧同整蠱，經歷好多風雨，我唔係突然成功，我憑我知識成功，我針灸又識加持又識。」她稱開騷原因是為普渡嫖客。在安歌環節中，七仙羽與嘉賓們上台大合唱《係咁先啦》，不過就唱到甩甩漏漏，只懂得頭幾句歌詞，明顯未有準備，Hea唱完成。<br/><br/>