西班牙名將法比加斯掛靴前最後效力球隊係意乙嘅科木，上陣17場，並成為該隊看守教練，同埋U19主帥，近日有消息話，36歲嘅法比加斯將會坐正科木主帥位置，將帶領科木征戰意乙。<br/><br/>「轉會專家」羅曼諾報道，法比加斯將被任命為科木主教練，係佢首次擔任一線隊主帥位置，科木現時喺意乙12戰6勝3和3負排第6，落後榜首帕爾馬8分，但少踢1場，爭升班唔係冇機會。<br/><br/>法比加斯球員生涯踢過英超、西甲同法甲，贏過英超、西甲、世界盃同歐國盃，估唔到生涯晚期去到科木落腳，今年7月宣布掛靴並成為科木U19主帥，依家仲做埋科木主教練，似係對自己一種歷練，為將來執教豪門鋪路。