安東尼哥頓今季喺紐卡素表現出色，佢踢過英格蘭各級青年梯隊，亦係今夏U21歐國盃英格蘭成員，不過至今仍未獲英格蘭領隊修夫基徵召，報道指蘇格蘭近日打算出手搶人，希望安東尼哥頓代表蘇格蘭，不過哥頓暫未考慮「轉會」。<br/><br/>《The Athletic》報道，22歲嘅安東尼哥頓今夏征戰U21歐國盃，當選賽事最佳球員，加上喺紐卡素表現出色，上陣17場4入球2助攻，所有人都認為佢會晉身大國腳，但結果未獲徵召；另邊廂蘇格蘭已經提前出線明年歐國盃決賽周，佢哋希望強化陣容，睇中安東尼哥頓。<br/><br/>其實蘇格蘭向英格蘭「挖角」早有先例，近年就有麥湯米尼，並成為蘇格蘭必然主力，如果安東尼哥頓「轉投」蘇格蘭，相信上陣機會肯定比人才過盛嘅英格蘭更多。不過報道指哥頓暫未考慮「過檔」，而且蘇格蘭領隊奇勒亦未搵過哥頓傾偈，所以唔諗住。