足球博彩神器，每日重心提供盡在《彩報》：http://win.on.cc/football/　<br/><br/>周四(13日)朝早美洲金盃4強大戰，衞冕嘅東道主美國大熱倒灶，佢哋同巴拿馬激戰120分鐘踢成1比1平手，互射12碼去到突然死亡階段慘輸4比5。巴拿馬殺入決賽後，會喺周一(17日)朝早同墨西哥爭奪冠軍寶座。<br/><br/>今屆以新人掛帥嘅美國，今仗面對巴拿馬未見優勢，兩隊法定時間互無紀錄要踢加時。攻勢較入肉嘅巴拿馬喺99分鐘憑艾雲安達臣打破僵局，美國6分鐘後就由首席射手捷西斯費拉拿追平；互射12碼雙方頭5輪各有1人射失，去到突然死亡階段美國嘅基斯甸路爾丹宴客，巴拿馬就由卡拉史基拉射入致勝1球，自2013年後再入金盃決賽。<br/><br/>美國臨時領隊卡拉漢賽後表示：「我哋今屆以幾名老將帶住年輕球員出戰，呢班小球員好可能會係2026世盃嘅球員，我哋上咗好多寶貴課堂，依家要全力備戰2026世盃。」巴拿馬喺決賽對手係墨西哥，墨西哥喺4強以3比0擊敗牙買加，連續第3屆殺入決賽。