最強博彩盤路過關神器《串績王》：http://win.on.cc/football/　<br/><br/>英超新升班球隊盧頓正式宣布，簽入英冠球隊伯明翰嘅翼鋒鍾達希，據悉轉會費為400萬鎊(約4,100萬港元)，意味呢位有華裔血統嘅23歲荷蘭翼鋒，新一季有機會倒戈對母會曼聯。<br/><br/>據悉鍾達希嘅外曾祖父來自中國廣東省江門新會，佢喺荷蘭出世，2016年加入曼聯青年軍，5年前獲提升上一隊，但一直不受重用，曾經被外借去雲達不來梅、布魯日、伯明翰，上年夏天被伯明翰買斷。<br/><br/>鍾達希上季為伯明翰上陣41場入4球及5次助攻，估唔到咁快又轉會，加盟盧頓，可以重返英超比賽。